Contos completos III Precio Económico

Nestas páxinas de fasquía singular, o autor de A carta roubada e O enterro prematuro abre novos vieiros á narrativa ao tempo que profunda na imaxinación do ser humano sen desbotar aquelas rexións que abeiran o descoñecido. O escritor norteamericano, un dos fundadores da narrativa moderna, é iniciador de xéneros literarios ao tempo que crítico mordaz das ideas convencionais. A fe cega no progreso científico e o poder desmedido da prensa na fixación da verdade son satirizados de xeito maxistral por Poe nalgúns destes contos. Velaquí o terceiro e derradeiro volume da edición en galego da obra contística de Edgar Allan Poe.